Millan egon ginen Pista Busturialdean herri-ekimena herri osoari eta hurbiltzen zen orori aurkezten, baita sinadura bilketan. Gerturatzen zen edonor jaso zezakeen ekimenaren inguruko informazioa. Nahiz eta web orria eta informazio zati bat argitaratua zegoen, lehen agerraldi publikoa izan dela esan dezakegu.
Gernikako-Lumoko Milla baino egun batzuk arinago, Gernika Atletismo, Urdaitri eta Arrolape Mendi Klubeko kideei ekimenaren nondik norakoak azaldu zitzaizkien Astran. Talde hauek izan dira lehenak, zuzenean eragiten dietelako honelako proiektu batek.
Gernikako Atletismo Taldeak urtero antolatzen duen Milla Herrikoian egongo gara maiatzaren 23an San Juan kalean, ATLETISMO PISTA BUSTURIALDEAN herri ekimenari buruzko informazioa zabaldu eta herritarren babesa lortzeko asmoz. Hurbildu zaitezte informazio mahaira eta eskatu informazioa beldurrik gabe.
Herri ekimen hau martxan jarri genuenetik handia izan da zuen babesa. Eskerrik asko proiektu honen alde atxikimendua sinatu duzuen ikastetxe, kirol talde eta bestelako elkarte guztioi.
Crea tu propia página web con Webador